செய்திகள்

தங்கம், வெள்ளி விலை: சாமானியர்களுக்கு விழுந்த பேரிடி!! நாளைக்கு பெரிய சூறாவளியே காத்திருக்கு!!

News oi-Devika Manivannan By Devika Manivannan Published: Wednesday, January 28, 2026, 10:10 [IST] Share This Article

லட்சக்கணக்கான சாமானிய மக்களுக்கு அதிர்ச்சி அளிக்க கூடிய வகையில் சென்னையில் இன்று ஆபரண தங்கம் மற்றும் வெள்ளி ஆகிய இரண்டும் புதிய வரலாற்று உச்சத்தை தொட்டுள்ளன. குறிப்பாக தங்கம் விலை 1.5 லட்சத்தையும், வெள்ளி விலை 4 லட்சத்தையும் தொட்டுவிட்டன.

சென்னையில் திங்கட்கிழமை அன்று 22 கேரட் ஆபரண தங்கத்தின் விலை கிராமுக்கு 275 ரூபாய் உயர்ந்து 15,025 ரூபாய்க்கு விற்பனை செய்யப்பட்டது. நேற்றைய தினம் அதிசயமாக தங்கத்தின் விலை குறைந்தது. கிராமுக்கு 65 ரூபாய் விலை சரிந்து 14,960 ரூபாய்க்கு விற்பனையானது. பரவாயில்லை தங்கம் விலை குறைகிறது என மக்கள் மகிழ்ச்சி அடைவதற்குள் நேற்றைய விட பல மடங்கு வேகமாக இன்று தங்கத்தின் விலை உயர்ந்து விட்டது.

ஆபரண தங்கம் ஒரு கிராமுக்கு 370 ரூபாய் விலை உயர்ந்து 15,330 ரூபாய்க்கு விற்பனை செய்யப்படுகிறது. சென்னையில் இன்று ஒரு சவரன் ஆபரண தங்கம் நேற்றைய விட 2,960 ரூபாய் விலை உயர்ந்து 1,22,640 ரூபாய்க்கு விற்கப்படுகிறது. 10 கிராம் தங்கம் 1.5 லட்சம் ரூபாயை கடந்துவிட்டது. அதாவது 1, 53,300 ரூபாய்க்கு விற்பனையாகிறது. சென்னையில் ஆபரண தங்கத்தின் விலை இப்படி பல மடங்கு உயர்ந்திருப்பது திருமணம் உள்ளிட்ட நிகழ்வுகளை வைத்திருக்கும் குடும்பங்கள் மத்தியில் கண்ணீரை வரவழைத்து இருக்கிறது.

Also Readஇப்போது தங்கம், வெள்ளி வாங்கலாமா? பிப்ரவரி 1 மத்திய பட்ஜெட் வரை காத்திருக்கலாமா?

தங்கத்தின் விலை இந்த மாதத்தில் மட்டும் ஒரு கிராமுக்கு 2,890 ரூபாயும் ஒரு சவரனுக்கு 23,120 ரூபாயும் விலை உயர்ந்திருக்கிறது. 24 கேரட் தங்கம் ஒரு கிராம் 16,734 ரூபாய்க்கும் ஒரு சவரன் 1,33,872 ரூபாய்க்கும் விற்பனையாகிறது. 10 கிராம் தங்கம் 1, 67,340 ரூபாய்க்கு விற்பனை செய்யப்படுகிறது. 18 கேரட் தங்கமும் விலை உயர்வு கண்டிருக்கிறது. ஒரு கிராம் 12,785 ரூபாய்க்கும் ஒரு சவரன் 1,02,280 ரூபாய்க்கும் விற்பனையாகிறது.

தங்கம் தான் இப்படி இருக்கிறது என்று பார்த்தால் வெள்ளி விலை இன்று புதிய வரலாற்று உச்சத்தை தொட்டுவிட்டது. சென்னையில் இன்று ஒரு கிராம் வெள்ளி 13 ரூபாய் விலை உயர்ந்து 400 ரூபாய்க்கு விற்பனையாகிறது. ஒரு கிலோ வெள்ளி 4 லட்சம் ரூபாய் என வரலாற்று உச்சபட்ச விலையில் இருக்கிறது. ஜனவரி ஒன்றாம் தேதி அன்று சென்னையில் ஒரு கிராம் வெள்ளியின் விலை 256 ரூபாய், அதுவே இன்றைய தினம் 400 ரூபாய்.

Recommended For Youதங்க நகையை அடகு வச்சு கடன் வாங்க போறீங்களா? பிப்ரவரி 1 மத்திய பட்ஜெட் வரை வெயிட் பண்ணுங்க!!

ஜனவரி மாதத்தில் இந்த 28 நாட்களில் வெள்ளி விலை கிராமுக்கு 144 ரூபாயும் ஒரு கிலோவுக்கு 1,44,000 ரூபாயும் விலை உயர்வு கண்டிருக்கிறது. அமெரிக்க மத்திய வங்கியின் நிதிக் கொள்கை குழு கூட்டம் நடைபெற்று வருகிறது. இந்திய நேரப்படி இன்று இரவு அமெரிக்க மத்திய வங்கியின் தலைவர் ஜெரோம் பாவெல் வட்டி குறைப்பு நடவடிக்கை குறித்து அறிவிப்பை வெளியிட இருக்கிறார் என எதிர்பார்க்கப்படுகிறது. வட்டி குறைப்பு நடவடிக்கை எடுக்கப்படும் என்ற எதிர்பார்ப்பு வலுவாக எழுந்ததே இன்று தங்கம், வெள்ளி விலை உயர காரணம். ஒரு வேளை வட்டி குறைக்கப்பட்டால் நாளைய தினம் தங்கம் மற்றும் வெள்ளியின் விலை உயர்வதை யாராலும் தடுக்க முடியாது.

Share This Article English summary

Chennai gold, silver rate reached peak due to US federal rate cut anticipation

In Chennai ornamental gold rate reached all time high as 10 gram price is crossed 1.5 lakhs and Silver rate reached 4 lakhs due to US federal rate cut anticipation. Story first published: Wednesday, January 28, 2026, 10:10 [IST] Other articles published on Jan 28, 2026