செய்திகள்

தங்கம் விலை: ஒரு சவரன் ரூ.1.25 லட்சமா? – உலக தங்க கவுன்சில் வெளியிட்ட மேஜர் வார்னிங்!!

News oi-Devika Manivannan By Devika Manivannan Published: Friday, December 5, 2025, 13:21 [IST] Share This Article

2025 ஆம் ஆண்டில் எதிர்பாராத விதமாக தங்கம் மற்றும் வெள்ளி ஆகிய இரண்டுமே முதலீட்டாளர்களுக்கு பெரிய அளவில் லாபம் தந்தது . 2026 ஆம் ஆண்டிலும் இந்த ஆண்டு போலவே தங்கத்தின் விலை உயருமா என்ற எதிர்பார்ப்பு மிகப் பரவலாக இருந்திருக்கிறது .

உலக தங்க கவுன்சில் 2026 ஆம் ஆண்டில் தங்கத்தின் விலை எந்த உச்சம் வரை தொடும் என்ற கணிப்புகளை வெளியிட்டு இருக்கிறது. உலக தங்க கவுன்சில் உலகம் முழுவதும் தங்கத்தின் விலை போக்கை ஆய்வு செய்து அதன் அடிப்படையில் 2026 ஆம் ஆண்டுக்கான தங்கம் விலை குறித்த கணிப்பை வெளியிட்டு இருக்கிறது . தற்போது பல்வேறு நாடுகளின் மத்திய வங்கிகளும் வட்டி குறைப்பு நடவடிக்கையை கையில் எடுத்திருக்கின்றன. இதன் காரணமாக பத்திரங்களில் கிடைக்கக்கூடிய லாபம் குறைந்துவிட்டது என தங்க கவுன்சில் அறிக்கை கூறுகிறது.

எனவே பத்திரங்களில் முதலீடு செய்தவர்கள் அந்த பணத்தை தங்கத்தை நோக்கி தான் திருப்புவார்கள் என தெரிவித்துள்ளது. அதேபோல புவிசார பதட்டங்கள் முழுமையாக தணியவில்லை எப்போது வேண்டுமானாலும் அவை மீண்டும் வரலாம். அதேபோல அமெரிக்க அதிபர் டிரம்ப் திடீர் திடீரென தன்னுடைய வர்த்தக கொள்கைகளை மாற்றிக் கொள்கிறார் . 2026 ஆம் ஆண்டில் அவர் எப்படிப்பட்ட வர்த்தக கொள்கைகளை பின்பற்றுவார் என்பதை நம்மால் கணிக்க முடியாது .

இவை அனைத்துமே தங்கத்தின் விலை உயர்வுக்கு காரணமாக இருக்கின்றன என கூறி இருக்கும் தங்க கவுன்சில் பல்வேறு நாடுகளின் மத்திய வங்கிகளும் தங்கத்தை வாங்கும் போக்கை அதிகப்படுத்தி இருக்கின்றன , மத்திய நாடுகளின் வங்கிகளில் தங்கத்திற்கான டிமாண்ட் இன்னும் குறையவே இல்லை என கூறுகிறது.

Also Readதங்க நகைகளை பாதுகாக்க இப்படி ஒரு வழி இருக்கா?? இனிமே திருட்டு பயமே தேவையில்லை!!

2026 ஆம் ஆண்டில் தங்கத்தின் விலை தற்போதைய நிலையிலிருந்து 15 முதல் 30 சதவீதம் வரை உயரும் என உலக தங்க கவுன்சிலின் அறிக்கை சுட்டிக்காட்டுகிறது. தங்கத்தின் விலை தற்போதைய விலையில் இருந்து 15 முதல் 30 சதவீதம் வரை உயரும் என வைத்துக் கொள்வோம் . சென்னையில் இன்றைய தினம் 22 கேரட் ஆபரண தங்கம் ஒரு சவரன் 96,000 ரூபாய்க்கு விற்கப்படுகிறது. இதில் 15% என்றால் கூடுதலாக 1,10,400 ரூபாய் என தங்கத்தின் விலை உயரும் .

உலக தங்க கவுன்சில் தங்கத்தின் விலை அதிகபட்ச அதிகபட்சமாக 30 சதவீதம் வரை உயரும் என தெரிவிக்கிறது. அப்படி வைத்து நாம் கணக்கிடும்போது இன்றைய விலையோடு பார்த்தால் ஒரு சவரன் தங்கம் 28 ஆயிரத்து 800 ரூபாய் விலை உயரும். அந்த வகையில் ஒரு சவரன் தங்கத்தின் விலை 1, 24,800 ரூபாயாக உயரும்.

Recommended For Youதங்கம் வாங்கும் போதே லாபம் பார்க்கணுமா? இந்த இரண்டு ஆப்ஷன் தான் பெஸ்ட்!!

ஒரு கிராம் தங்கத்தின் விலை என பார்க்கும் போது 30% என்ற 15,000 ரூபாயை கடந்து விடும். தங்கம் விலை அடுத்த ஆண்டு நிச்சயம் உயரும் என்பது அனைவருக்கும் தெரிந்த விஷயம் தான். ஆனால் இந்த ஆண்டை போல 60% வரை விலை உயருமா என்ற அச்சம் தான் சாமானிய மக்களிடம் இருக்கிறது. தற்போதைக்கு பல அமைப்புகளும் வங்கிகளும் வெளியிடும் கணிப்புகள் 30% வரை விலை உயரலாம் என தெரிவிக்கிறது.

Share This Article English summary

Gold price may rise between 15 to 30 per cent says World Gold Council

Gold prices can rise between 15 to 30 per cent in calendar year 2026 (CY26) from the current levels, suggests a note by World Gold Council (WGC). Story first published: Friday, December 5, 2025, 13:21 [IST] Other articles published on Dec 5, 2025